《活現屯馬新力量》－ 眼睛漫步土瓜灣

好耐無去旅行？嚟緊就有個免費活動啱晒大人細路啦！由2021年5月至2021年10月期間指定周末，港鐵公司將聯同本地文化企業活現香港舉行一系列《活現屯馬新力量》網上直播導賞團畀公眾免費參加。即使係炎炎夏日，你都可以歎住冷氣，喺土瓜灣虛擬旅行一番！

今次活動搵咗50位年齡介乎12到65歲嘅街坊成為《活現屯馬新力量》文化大使，經過3個月培訓成為社區導賞員同街頭演員，帶大家落區行吓宋皇臺站及土瓜灣站一帶嘅特色景點，再將街坊口述歷史故事一一分享畀大家聽。有地膽帶路，實可以感受不一樣嘅舊區啦！

雖然疫情期間一班演員就唔能夠一次過係街度做戲畀大家睇，但佢哋好有心思，將話劇拍成短片，係網上直播導賞活動入面帶畀大家驚喜。堅係一個活動，兩種享受！

「《活現屯馬新力量》活動結合咗講故事、導賞、口述歷史同戲劇元素於一身，將九龍城區，特別係屯馬綫嘅新站附近土瓜灣一帶最正、最過癮嘅故事、以及設計屯馬綫時嘅趣聞分享比全港市民聽。 」活現香港共同創辦人暨行政總裁陳智遠說。

有興趣嘅話可以click入下面嘅報名表格，參加《活現屯馬新力量》網上直播導賞團啦！

媒體讀者優先報名表：http://bit.ly/TMLvirtualtour（名額有限，先到先得！）

計劃詳情：https://mtr-tuenmaline.hk/tc/community/community 

網上直播導賞團參考路綫（部分景點將由直播室介紹）：

1. 宋皇臺花園
2. 北帝街－炮仗街
3. 十三街
4. 牛棚藝術村
5. 九龍城碼頭
6. 美華工業中心
7. 漆馬大廈