Menu
為食精 / 購物狂

將軍澳新開!首間商場古早蛋糕店 期間限定玫瑰+伯爵茶口味 新開張減$10

香港古早蛋糕店開完一間又一間,但無論開幾多間,依然係人氣滿滿超多人大排長龍! 終於,古早蛋糕店去到將軍澳喇!全新「源袓之味古早蛋糕店」分別開喺將軍澳新都城一期,係第一間開喺商場嘅古早蛋糕店,咁就可以歎住冷氣去排隊啦~

新店一共推出 6 種口味嘅古早蛋糕:正宗古早原味、清新檸香、爆滿海苔肉鬆、流心鹹蛋黃、邪惡拉絲芝士及雲石朱古力,小編推薦流心鹹蛋黃,鹹蛋黃香氣十足,夠濃味又唔會太 heavy,不錯不錯,而爆滿海苔肉鬆同樣邪惡,上面嘅肉鬆鋪到見唔到蛋糕本體,真係好足料!

除此之外,仲有兩款港女必試期間限定古早蛋糕口味:迷人玫瑰同埋皇室伯爵,淡淡茶香味嘅伯爵茶蛋糕令人感覺無咁膩,最好就係配茶或者咖啡喇,而迷人玫瑰仲要係心型添,OMG好夠港女啊!

小編提提你,店家仲即將加盟外送平台,等大家疫情唔想出街都可以品嘗古早味蛋糕~而現場購買的話,試業期間like Facebook 及share post 就可以每件古早蛋糕減$10,一份 $75。現場排隊人流都不算少,但店員密密做,其實又唔使排太耐,住附近可以一戰!

源袓之味古早蛋糕店
地址:將軍澳新都城一期2樓254-255號店(港鐵站寶林B2出口,交通銀行隔離)
Facebook:源祖之味古早蛋糕店
Instagram:originalcakeshop

------------------
全新吃、喝、玩、樂、著數平台,幫你搜羅香港最新本地及旅遊資訊!
歡迎投稿/查詢/廣告事宜:enquiry.dailyspecial@gmail.com
👉Follow 埋我地 Instagram : instagr.am/hk_dailyspecial
Website:https://hk-dailyspecial.com

No Comments

    發表迴響

    %d